Pasaia kaleko berrurbanizazio lanek ur horniduran izan dute eragina
Hobi batean matxurak agertu dira, eta ur hornidura moztu egin behar izan dute. Datozen egunetan sistema alternatibo bat ezarriko dute, horrelako ezustekoak ekiditeko.
Otsailari dagokion uraren eta hondakinen faktura gaur ordainduko dute ordain-agiria helbideratuta duten erabiltzaileek. Pasaia kaleko berrurbanizazio lanak hasi berriak dira, eta lehenengo arazoak plazaratu dira. Txinguko Zerbitzuakek adierazi dute haustura bat egon dela ur hornidurako hobi batean, eta horrek eraginda, ura moztu egin behar izan dutela. Txinzerreko langileek haustura konpondu dute, baina bigarren matxura bat aurkitu dute, eta beraz, oraindik ur gabe daude bertako bizilagunak.
Adierazi dute ez dakitela noiz itzuliko den ur hornidura etxeetara, baina lanean dabiltzala sistemak ahalik eta azkarren aurrera egin dezan. Obrak luzerako direnez, Txinzerrek adierazi du ur hornidura sistema alternatibo bat instalatuko dutela datozen egunetan, horrelako ezustekorik errepikatu ez dadin.
