CAFek Israelen dituen proiektuak bertan behera uzteko mobilizatuko dira
BDZk deituta, Jerusalemgo Tren Arina proiektuaren aurkako manifestazioa egingo dute larunbatean San Juan plazan, 13:00etan.
BDZ herri plataformak ekainaren 6tik 13ra hainbat manifestazio deitu ditu Euskal Herriko hainbat txokotan. Horien artean, larunbat honetan, hilak 6, Irunen egingo dute CAF enpresak Jerusalemgo Tren Arinaren proiektua geldiarazteko. Enegarrenez, enpresak Israelekin dituen harremanak eteteko eskatuko dute, San Juan plazatik hasiko den manifestazioan. 13:00etan den arren, ordubete lehenago, 12:00etan, haurrentzako arte tailerra egingo dute plazan bertan.
Gerra eta genozidioekin kolaboraziorik ez, Israeli boikot! lelopean, Palestinari elkartasuna emateko kaleak hartzeko deia egin die herritarrei. Pasa den ostiralean, OCRko Europako Txapelketarekin egin bezala, Palestinaren aldeko eta genozidioaren aurkako aldarriak ateratzea eskatu dute beste behin ere.
