Palestinako genozidioa ahanzturan erori ez dadin
Hendaiari begira egin zuten atzoko burrunba 100 lagun inguruk. Sumud Flotillari babesa ematea zuten xede, Palestinako gatazkari ikusgarritasuna emanez.
Asteazkenero moduan, burrunba egin zuten atzo, Palestinaren askatasunaren alde. Sumun Flotillari babes emateko xedearekin ere, 100 pertsona inguru elkartu ziren atzo Kai Zaharrean. Hendaiara begira jarri ziren, Bidasoaren beste aldean Hendaiako burrunba zegoen eta. 20:00etan hasi ziren, parerak, sardeskak eta metalezko tapak eskuan zituztela. Parte hartzaileek argi dute: “Asteazkenero elkartzen jarraituko dugu. Ezin dugu ahanzturan utzi Palestinan gertatzen ari dena”.
Flotillako kideak atxilotu dituzte azken asteetan, eta orai Israelgo Gobernuak deportazioak hasi ditu. Munduko hainbat gobernu buruk salatu dute flotillako kideek tratu txarrak jaso dituztela. Besteak beste, Kolonbiako presidente Gustavo Petrok adierazi du Israelgo Estatu Ministro Ben Gvir “nazi” baten moduan jokatzen duela. Etxara elkartearen eta Emeki Emakume Elkartearen ekimenez egin zuten atzoko burrunba.
