Irugurutzetako irekieran hainbat jarduera antolatuko dituzte
Asteburu honetan, interpretazio zentroaren sarrera doakoa izango da; eta eremua girotzeko ibilaldi gidatuak eta familientzako jarduerak egingo dituzte.
Irugutzetako labeak hiriaren ondare arkeologikoaren parte garrantzitsua dira, eta dagoeneko bertako interpretazio zentro berria birgaitu dute. Asteburu honetan, Irugurutzeta berriro ere irekiko dute, eta horren baitan, hainbat jarduera antolatu dituzte larunbaterako zein iganderako. Birgaitutako interpretazio zentro berria bisitatzeko sarrera doakoa izango da, larunbatean, 11:00-13:00 eta 16:00-19:00 artean; eta igandean, 11:00etatik 14:00etara. Udalak herritarrei hiriaren memoriarako berreskuratutako gune bat hurbidu nahi die.
Bisita gidatuak ere izango dira asteburuan zehar, ingurune naturala eta meatzaritza gunearen sekretuak ezagutzeko. Bi egunetan, 11:00etan egingo dituzte bisita gidatuak, eta bertan parte hartzeko Oiasso museoaren webgunean izena eman beharko dute. Bisita gidatuaz gain, larunbaterako hainbat jarduera antolatu dituzte. 11:00etan hasita, ondare Kultur Elkarteko erraldoiek ikuskizuna egingo dute. Jarraian, Txiribuelta ekarteak tailerrak egingo ditu, 12:00etatik aurrera. Arratsaldean, berriz, Ameli ipuin-kontalaria eta A&B Shows taldeak mini-zirkua antolatuko du, 17:00etan eta 18:00etan, hurrenez hurren.
Inaugurazioaren aitzakian, Tren Txikitoa berriro martxan jarriko dute ostiraletik igandera. Ostiralean, 16:00etan eta 17:30ean; larunbatean, 11:00etan, 16:00etan eta 17:30ean; eta igandean, 11:00etan eta 12:30ean egingo ditu irteerak. Tren Txikitorako ere aurretiazko izen ematea ezinbestekoa izango da, Oiasso museoko webgunearen bitartez.
