'Akordio humanitarioa, ya!' dokumentala, Kabigorrin
Kolonbiako komunitate beltzek duten egoera humanitarioa ikusarazteko dokumentala estreinatuko dute bihar, 18:30ean.
Komunitate Beltzen Prozesuak (PCN) eta Nomadesc Elkarteak nazioarteko bira egingo dute Akordio humanitarioa ya! dokumentala estreinatzeko, eta biraren baitan, bihar, hilak 19, Kabigorrin izango dira azken proiektua aurkezten. Ikus entzunezko honen bitartez, Kolonbiako komunitate beltzek duten egoera humanitarioa ikusaraziko dute, bai eta nazioarteko lankidetza, elkartasun eta eragin politikoko aliantzak indartu. Paz con Dignidad elkarteak biraren koordinazio lanak egingo ditu.
Jeiner Arizala, PCNko giza eskubideen eta bakearen taldearen dinamizatzailea; Yuli Vasquez, Kurrulao Eskualde Palenqueko koordinatzailea; eta Berenice Celeita, Nomadesc erakundeko zuzendaria izango dira Kabigorrin. Krisi humanitarioaren aurrean komunitateek egindako testigantzak eta proposamenak jasoko dituzte.
Egunotan, Madrilen, Oviedon eta Irunen egindako aurkezpenen bitartez, Kolonbiako komunitate beltzen egoera salatzeaz gain, aliantzak eraiki eta nazioarteko erantzukidetasun mekanismoak sortuko dituzte. Horiek lurraldeen defentsan eta eskubide kolektiboen erabilera osoan laguntzeko.
PCNk adierazi duenez, hainbat txostenek agerian utzi dute afrikarren ondoren giza eskubideen urraketak gehien jasaten dituztenak Kolonbiako komunitate beltzak direla. Behartutako lekualdaketak, konfinamenduak eta lurralde kolektiboei eragindako kalteak jasan behar dituzte. Gainera, legez kanpoko meatzaritzaren eta monolaborantzen hedapena jardueren inpaktua, ekosistemak eraldatzea eta egiturazko desberdintasunak sakontzen ari dira.
Dokumentala ikusteko sarrera librea izango da, Kabigorriko aretoa bete arte.
