Txingudi Errugbi taldeak agur esango dio 2025/2026 denboraldiari
Asteburu honetan, senior taldeek lagunarteko lehiak izango dituzte; eta harrobiko taldeek, berriz, ligako azken norgehiagoka izango dute.
Irailean hasitako denboraldiari agur esango diote Txingudi Errugbi Klubeko taldeek asteburu honetan. Helburu zehatzik eduki gabe, denboraldiko azken partidak izango dituzte senior zein harrobiko taldeek. Zaisa Txingudik eta Biok Txingudik lagunarteko partidak izango dituzte, Parisko Les Implacablesen eta CEU Barcelona taldeen aurka, hurrenez hurren. Harrobiko hiru taldek eta beteranoek ere jokatuko dute larunbatean.
Zelairatzen lehenak, Zaisa Txingudikoak izango dira ostiralean, hilak 8. Talde frantziarra Euskal Herritik egiten ari den itzulia aprobetxatuta, Txingudi taldearen aurkako partida jokatuko dute, 19:30etik aurrera. Emakumeek, berriz, Kataluniako bigarren mailako txapelduna izango dute aurrez aurre. Lagunartekoa larunbatean, hilak 9, izango da 16:00etan.
Harrobiari dagokionez, 18 urtez azpikoek eta 14 urtez azpikoek La Unicaren aurka jokatuko dute larunbatean Iruñean, 10:00etan eta 11:30ean, hurrenez hurren. Txingudi/Orereta/Baztan 16 urtez azpikoek, berriz, Hiruherriren aurka jokatuko dute Plaiaundin, 12:30ean hasita.
Beteranoen taldea Logroñoko topaketan izango da. Errioxan egiten den urteroko topaketa hitzordu garrantzitsua da Txingudiko beteranoentzat.
