Hondarribia eta Irun arteko autobus zerbitzua gauera arte luzatzea eskatu du PSE-EEk
Hondarribiko ostalariek eskatuta, ostegun eta igandetan, garraio publikoaren maiztasuna 00:30ak arte luzatzea proposatu dute sozialistek.
Hondarribiko PSE-EEk Hondarribia eta Irun arteko autobus zerbitzua gauera arte luzatzeko eskatu dio Gipuzkoako Foru Aldundiari. Ostegun eta igande gauetan, bi herrien arteko autobus zerbitzua 00:30ak arte luzatzea proposatu diote Azahara Dominguezi, Aldundiko Mugikortasuneko, Turismoko eta Lurralde Antolaketako ordezakariari. Proposamena Hondarribiko ostalariek egindako eskaeraren ondoren iritsi da. Ostalaritza sektorean lan egiten duten pertsonen mugikortasuna erraztea du helburu eskaera honek.
00:30ak arte luzatzeak langileen lan-baldintzak hobetuko ditu, bi herrian arteko garraio publiko eraginkorra eskainiz. Sozialistek 23:15ean eta 00:15ean Hondarribitik aterako diren eta Irundik 23:30ean eta 00:30ean aterako diren autobus zerbitzuak proposatu dituzte, gizartearen eskaera gero eta handiagoari erantzuteko.
Gainera, alderdi sozialistak azpimarratu du gazteei edo ibilgailu propiorik ez duten pertsonei ere zerbitzua indartzeak mesede egingo liekeela.
