Txingudi, herriartekoaren finalerdietara
Hernaniko final-laurdenetan garaile izan ondoren, Zumarraga-Urretxurekin aurrez aurrekoa izango dute bidasoarrek maiatzaren 16ko finalerdian.
Txingudi taldeko bertsolariak, herriartekoan Donostan egin zuten saioan.Irunabar Gipuzkoak Herriarteko Bertsolari Txapelketan aurrera urrats oso nabarmena egin du Txingudi taldeak. Joan den ostiraleko final-laurdenetako saioan Hernani haien etxean gainditu, eta finalaurrekoetara pasa dira Irunabar Bertsoaren Bilguneko kideak oinarri dituen taldekoak. Egiten ari direna historikoa dela esatea beharbada gehiegitxo izan daiteke; baina gutxienez zoriontzeko eta arras goraipatzeko bidea egin ari dira herriartekoan bidasoarrak.
Hernanin bertsotan izan ziren Txingudi taldeko kideak Igauri Lopetegi Amostegi, Manu Goiogana Bengoetxea eta Jon Luzuriaga izan ziren. Aurretik, ordea, badute erronka eder bezain borrokatua: finalerdietako saioa maiatzaren 16an izango dute, Tolosan, Zumarraga-Urretxu taldearen kontra.
Beste finalerdia Azpeitiko Zaharrak Berri eta Oñati taldeek jokatuko dute, maiatzaren 9an eta Oñatin. Finala, berriz, maiatzaren 30ean izango da Aian.
