Super Amara BAT Kluben Ligaren bila
Asteburu honetan, emakumeek Ohorezko Mailan lehiatuko dira, Bartzelonan; gizonezkoek, berriz, Lehen Maila Nazionalean ariko dira, Manresan.
Asteburu honetan, Espainiako taldekako atletismo txapelketa garrantzitsuena hasiko da, eta bertan, izango dira Super Amara BAT taldeko gizonezkoak zein emakumezkoak. Txapelketak hiru jardunaldi izango ditu ekainera bitarte, eta atletismo klubek euren helburuak lortzeko lehiatuko dira: tituluaren bila, maila igoera edo mailari eustea izango dute helburu taldeek. Lehen jardunaldia Herrialde Katalanetan izango dute bihar, hilak 25.
Super Amara BAT-eko emakumeak Ohorezko Mailako jardunaldia izango dute Bartzelonan. Bertan, Diputacion Valencia, AA Catalunya eta Tenerife CajaCanarias taldeekin batera izango dira. 2025ean, bigarren urtez jarraian, ligako finalerako sarbidea lortu zuten, alegia, Espainiako zortzi talde onenen artean sailkatu ziren. Lehen jardunaldiko helburua bigarren postua lortzen saiatzea izango da, bigarren jardunaldiari bermearekin eta lasaitasunarekin heltzeko.
Abiadura lehiaketei dagokionez, Irati Gomez eta Carla Arwen 100 metrotan ariko dira; Noa Sevilla eta Laia Olascoaga, 200 metrotan; Alaine Aguerralde eta Alazne Etxebarria, 400 metrotan; Laura Etayo eta Junkal Etxegaray, 800 metrotan; Isra Rahali eta Marta Maza, 1.500 metrotan; eta Douae Ouboukir eta Marta Maza, 3.000 metrotan. Hesietan, berriz, Uxia Pereirak eta Elsa de la Cruzek 100 metroko lasterketa egingo dute, eta Irune Martin eta Alazne Garrido 400 metrokoa. Erreleboetan, 4×100 metrotan Carla, Irati, Laia eta Olaia izango dira; eta 4×400 metrotan, Alazne, Alaine, Alazne eta Noa. Oztopo lasterketan eta martxan ere presentzia izango du talde bidasoarrak, Douae Ouboukirrekin eta Sara Mancisidorrekin eta Nerea Parreño eta Nara Pastorrekin, hurrenez hurren.
Abiadura lehiaketaz gain, jauzi eta jaurtiketa lehiaketak ere izango dira. Altueran, Naia Llorente eta Noa Garcia izango dira; hirukoan, Maialen Miera eta Zuriñe Celis; luzeran, Olaia Becerril eta Zuriñe Celis; eta pertikan, Aslyn Quiala eta Elsa de la Cruz; pisuan, Arielle Ngole eta Goizane Garcia; diskoan, Arielle Ngole eta Raquel Villa; xabalinan, Noa Esteban eta Marta Mancebo; eta mailuan, Lissette Arreaga eta Goizane Garcia.
Gizonezkoek, berriz, onenen artean sailkatzeko erronkari aurre egin beharko diote Ohorezko Mailara bueltatzeko. Bihar, Manresa (Herrialde Katalanak) izango dira Lque Esport Menorca, Avinent Manresa eta Hiru-Herri taldeen aurka Lehen Maila Nazionaleko lehen jardunaldian.
Abiadurako modalitatetan hauek izango dira parte hartzaileak: 100 metrotan, Alex Garcia-Gasco eta Iker Piñeira; 200 metrotan, Lander Chasco eta Alejandro Per; 400 metrotan, Seckou Sissoko eta Urko Navarro; 800 metrotan, Alai Cabello eta Iker Anglada; 1.500 metrotan, Julen Mendoza eta Iker Anglada; 3.000 metrotan, Ander Aramendi eta Unai Arroyo; 4×100 metrotan, Iker, Alex, Lander eta Imanol; 4×400 metrotan, Seckou, Alejandro, Urko eta Markel. Hesiei dagokionez, 110 metroko lasterketan Rafa Caseau eta Jon Gajate izango dira; eta 400 metrokoan, Eñaut Arburua eta Jon Andiano izango dira. Lukas Cabezonek eta Mikel Aramendik 300 meroko oztopo lasterketa egingo dute; eta 5 kilometroko martxan, berriz, Rafael Torralbak eta Pablo Salinasek.
Jauzi eta jaurtiketa modalitateetan ere presentzia handia izango du taldeak. Altueran, Iker Anaut eta Aritz Zuazo; hirukoan, Asier Estevez eta Imad Zuhaitz Urrutia; luzeran, Aitor Fernandez eta Luken Aizpurua; pertikan, Juulen Rodriguez eta Mario Estanga; pisuan, Gonzalo Tamayo eta Bruno Cagigos; diskoan, Asier Zarandona eta Bruno Cagigos; xabalinan, Aitor Fernandez eta Alejandro Esteban; eta mailuan, Unax Eraso eta Jon Ruiz.
