Olinpiadetako gazteek tokara jokatzera gonbidatu dituzte herritarrak
Toka txapelketa egingo dute bihar, hiru toka ezberdinekin. Edozein herritarrek parte hartu dezake.
Olinpiaden Mendi Proba egingo dute larunbat goizean, baina ondoren egun luzea izango dute herriko gazteek. Bazkaltzeko bilduko dira, Kasino Zaharrean, eta ondoren bertan geratuko dira arratsaldean zehar.
Toka txapelketa egingo dute arratsaldean. Kasino Zaharrean izango da, eta bertako tokaz gain, beste bi jarriko dituzte. Hori ez ezik, beste hainbat joku egingo dituzte. Ez dira Olinpiaden barneko jokuak izango, eta horregatik edozein herritar gonbidatu dute bertaratzera, denon artean giroaz disfrutatzeko. Tokan izen emateko bertan egin ahalko da, 16:30eatik aurrera.
Ondoren, Bixkor txarangak girotuko du festa, eta pixkanaka, txarangarekin batera, jendea Portua auzora jaitsiko da.
