Hondartzako izozki postuak jartzeko eskaera epea ireki du udalak
Apirilaren 24tik maiatzaren 4ra arte izango dute interesdunek izena emateko epea zabalik. Zozketa bidez aukeratuko dira hiru postuak.
Aurtengo denboroaldia ekainaren 15etik irailaren 15era luzatuko da. Hondartza gutxinaka betetzen hasi da, beroa egiten hasi baita. Oraindik ez da udara iritsi, baina pixkanaka udarako antolaketa kudeatzen hasi da udala. Oraingoan, hondartzan, Europa pasealekuan zehazki, hiru izozki postu jartzeko baimena eskatzeko epea jarri du martxan. Apirilaren 24tik maiatzaren 4ra arte egongo da epea irekia.
Ekainaren 1etik irailaren 15era ireki ahalko dira izozki postuak, eta esleipena zozketa bidez egingo da. Hainbat baldintza bete beharko ditu eskatzaileak, hala nola zerga betebeharrak egunean izatea eta erantzukizun zibileko asegurua edukitzea.
Informazio guztia Hondarribiko Udalaren web orrian egongo da eskuragarri.
