Txingudi Errugbi klubeko harrobiaren asteburuko partidak
16 eta 18 urtez azpiko taldeek denboraldiko azken txanpan murgilduta daude, eta asteburu honetan partida zailak izango dituzte.
Txingudiren Tokata taldea Plaiaundin jokatutako txapelketanTxingudi Errugbi Kluba Zaisa Txingudik eta Biok Txingudik denboraldia amaitu badute ere, harrobiko taldeek oraindik ere partida batzuk gertazen zaizkie denboraldia amaitzeko. Asteburu honetan, 16 eta 18 urtez azpiko taldeek partida zailak izango dituzte euren helburuak lortzeko. 18 urtez azpikoek Uni Bilboren aurkako partida izango dute larunbatean, Plaiaundin. Gabiria Txingudi/Baztan taldearen eta lider diren bilbotarren aurkako partida 11:00etan hasiko da. Erronka zaila izango da azken fase honetan partida bakarra galdu baitu, eta etxekoek, berriz, bi garaipen baino ez dituzte lortu hamar jardunalditan.
Txingudi/Baztan/Orereta taldeak etxetik kanpo jokatuko du, Gasteizen. 10:30ean hasita, Gaztediren aurka jokatuko dute, eta denboraldiko helburua lortzeko ezinbestekoa izango dute denboraldia amaitzeko bi partidak irabaztea. Bi taldeen aurkako partidak tentsio handikoak izan dira denboraldi honetan, igandekoa ere, hala izatea espero dute.
Errugbiaren parte garrantzitsu bat plakajeak dira, baina horiek gabe ere errugbian jokatu daiteke. Txingudiko Tokata taldeak Senpereko txapelketan izango da igandean. Txuribeltzak beste urte batez izango dira txapelketan.
Igandeko bigarren hitzordua Errenteria-Oreretan izango da, Beraunen. Bertan, Txingudi eskolako haurrek, 10 eta 12 urtez azpikoek, Orereta, Arrasate, Soragazteak, Iruñea, Ordizia eta Bera Bera taldeko gazteenen aurkako partidak jokatuko dituzte, 11:00etatik aurrera.
