Udalak 115 zuhaitz landatuko ditu hainbat auzotan
Egoera txarrean dauden zuhaitzak ordezkatuko dituzte, eta guztira 30 espezie baino gehiago landatuko dituzte datozen egunotan.
Gaur aurkeztu dute 2026ko Hiriak Landatzeko Kanpaina, eta datozen egunetan udalak 30 espezietako 115 zuhaitz landatuko ditu hiriko txoko ugaritan. Egoera kaskarrean edo osasun txarrean dauden zuhaitzak ordezkatuko dituzte. Espezieak aukeratzeko hainbat irizpide kontuan hartu dituzte, beti ere, erreistenteak izateko eta egungo eta etorkizuneko klimara egokitutako zuhaitzak landatzeko. Helduak direnean duten tamaina, espazio erabilgarria, ingurumeneko betebeharrak, klima egoera ezberdinetan duten biziraupena, espezie bakoitzaren hutsen historiala eta dibertsitatea izan dira zuhaitzak landatzeko kontuan hartutako irizpideak.
Bestalde, zuhaitzak hainbat arrazoirengatik kendu behar izan dituztela adierazi du Gorka Alvarezek, Obretako, Mantentze Lanetako eta Azpiegituretako ordezkariak. Besteak beste, zuhaitza lehortu edo erori izanagatik, onddoen edo usteltzearen ondorioz gaixo egonagatik, kokapen txarra izateagatik edota erortzeko edo hausteko arrisku handia edukitzeagatik. “Azterketa xehatu bat egiten dugu, ondoren, behar bezala garatu ezin diren zuhaitzak kentzen ditugu, eta, azkenik, zuhaitz berriak landatzen ditugu”, azaldu du.
Jarraian, 115 aleak landatuko dituzten kokapenak:
• Alde Zaharra – San Juan plaza (8 zuhaitz): Dolores Salis kalea, Jenaro Etxeandia plaza, Nafarroa hiribidea eta San Martzial kalea.
• Anaka-Puiana / Urdanibia Berri (7 zuhaitz): Anaka kalea, Letxunborro hiribidea, Lekuona Misiolaria kalea, Errota sarbidea eta Zumea, Kaskotegi eta Tonpes kaleak.
• Antzaran eta Pinudi (10 zuhaitz): Antzaran plaza, Lope de Irigoyen eta Lucas de Berroa kaleak, eta Pinudiko parkea.
• Arbes (9 zuhaitz): Alzukaitz eta Arbesko Errota kaleak, eta Nagore Laffage parkea.
• Artia (29 zuhaitz): Darío Regoyos, Juan Thalamas Labandibar, Berrueta Pintorea, Pío Baroja eta Zurbarán kaleak.
• Elizatxo hiribidea (3 zuhaitz):
• Erdialdea – Zabaltza (9 zuhaitz): Colon ibilbidea, Gipuzkoa hiribidea, Juan
Arana kalea, San Juan Harria plaza eta Txoantenea kalea.
• Dunboa (14 zuhaitz): Martxoak 8 kalea, Nafarroa hiribidea eta Poxpologile
kalea.
• Elitxu – Lapitze (5 zuhaitz): Alardeko Jenerala, Iñude eta Piketazaharra kaleak.
• Larreaundi – Olaberria (4 zuhaitz): Euskal Herria hiribidea, eta Miguel de
Anbulodi, Prudencia Arbide eta Eguzkitzaldea kaleak.
• San Migel (6 zuhaitz): Bartolomé de Urdinso, Blas de Lezo eta Luis de Uranzu
kaleak.
• Santiago (5 zuhaitz): Gernikako Zuhaitza eta Pilar kaleak, eta Real Union
etorbidea.
• Katea (6 zuhaitz): Errota, Errotazar, Karobiaga eta Teileria kaleak; eta
Letxunborro hiribidea.
