Elkarrekin Irunek Emigrazio Eraikinean pilatutako atzerapenak kritikatu ditu
Erakusleiho politikoa izatea baino, herritarren bizi-kalitatea benetan hobetzen duten proiektuak lehenesteko eskatu du alderdiak.
Gaur inauguratuko dute eraberritutako Emigrazio Eraikina. Elkarrekin Irunek eraikina birgaitzeko obren atzerapena salatu du, “onartezinak dira”. Inaugurazio ekitaldia ospatzeko Alejandro de la Sota arkitektoari eta erakinari buruzko erakusketa bat antolatuko dute, bihartik, hilak 21, maiatzaren 3ra bitarte. Ekitaldi honek kontraesanak eragin ditu alderdikideen artean. “Udal gobernuak inaugurazio sinbolikoak ospatzen dituen bitartean, San Miguel eta Anaka eraldatzera datorren egiturazko proiektuak hamarkadetako atzerapena pilatzen du”.
Atzerapenak udal gobernuaren lidergo faltaren erakusleiho bilakatu direla kritikatu dute, adibiderik argienetako bat izan da. “Ezin da erakusleiho-politika kudeaketa eraginkorrarekin nahastu”, adierazi dute prentsa oharrean. “Ikusten ari gara nola inauguratzen edo balioa ematen zaien jasotako ekimenei, bitartean funtsezko proiektuek justifikaziorik gabeko atzerapenak pilatzen dituzten. Titularra exekuzioaren gainetik lehenesten dute”.
Ildo horretan, Elkarrekin Irunek lehentasunen aldaketa argia eta premiazkoa eskatu du. Irun eraldaketa bete-betean murgilduta dago, eta oraindik erronka nagusiak konpondu gabe daudela salatu dute, bereziki etxebizitzaren arloan. “Ekitaldi sinbolikoak antolatzen diren bitartean, babes ofizialeko 900 etxebizitza baino gehiago eraiki behar dira eremu honetan. Hori izan beharko litzateke benetako lehentasuna: etxebizitzarako sarbidea bermatzea eta irundarren bizi-kalitatea hobetzea”, adierazi du David Nuño Elkarrekin Irunek udal bozeramaileak.
Horregatik guztiagatik, udal gobernuari eskatu diote benetan herritarren ongizatean eragina duten proiektuen bizkortzera bideratzeko. “Irunen ekitaldi gutxiago eta ekintza gehiago behar dira.
Propaganda gutxiago eta herritarrekin hartutako konpromisoak gehiago betetzea”, eskatu dute.
