Irungo AEK-k euskara ikasteko doako klaseak emango ditu
Korrikaren 12. egunaren baitan, datorren asteazkenean, hilak 22, euskararen munduan murgiltzeko ordubeteko klaseak eskainiko dituzte.
Artxiboko irudia. AEK Korrika martxoaren 29an Bilbon amaitu bazen ere, AEK-k Korrikaren 12. eguna antolatu du. Amaierako ekitaldian Ane Elordi Korrikako koordinatzaileak argi adierazi zuen, Korrika ez zela Bilbon amaitzen, eta 25. Korrika prestatzeko hainbat egitasmo antolatuko zituztela. Esan eta egin. AEK-ko euskaltegi guztiek euskara ikasteko doako ikastaroak eskainiko dtuzte datorren asteazkenean, hilak 22.
Irungo AEK-ren kasuan, ordubeteko bi klase eskainiko dituzte goizez eta arratsaldez. Hain zuzen, goizekoa 10:00etatik 11:00etara izango da; eta arratsaldekoa, berriz, 17:00etatik 18:00etara. Honela, Korrikan parte hartu eta euskararen munduan murgiltzeko urratsa eman zutenek aukera izango dute euskara ikasteko. Izen ematea Korrikaren webgunearen bitartez edo Legia kaleko AEK-ko euskaltegian, bertan, egin beharko dute.
