Sanmartzialetako kontzertuetako hasierako taldeak, finalistak
Sivana, Slimfit, Wonka y Waje 4LEB eta Folkesi taldeak izan dira Urdanibia plazako kontzertuetan parte hartzeko finalistak.
Martxoan aurtengo sanmartzialetako kontzertuak iragarri bazituzten ere, gaur talde handiekin batera Urdanibia plazako eszenatokia elkarbanatzeko hautagai izango diren irundar taldeen berri eman du Irungo Udalak: Sivana, Slimfit, Wonka y Waje 4LEB eta Folkesi taldeak dira telonero izateko aukera izango duten taldeak. Hala, herritarrek eskubidea izango dute lau horien artean botoak banatzeko, eta erabakiko dute zein bi talde izango diren hasierako talde edo telonero bezala ekainaren 13an eta 23an Urdanibian izango diren kontzertuetan.
Bozketa Irunen erroldatuta dauden 16 urtetik gorako pertsona guztientzat irekita dago, eta udal webgunearen bidez egin beharko dute. Talde hauek ekainaren 13an eta 23an egingo dituzten kontzertuetan eszenatokira igoko dira, Gozategi (ekainak 13) eta Bele (ekainak 23) taldeekin batera.
