Berlin, Marburg eta Irun; elkarlanean
Plaiaundi LHIIk bere lehenengo eTwinning proiektuak martxan jarri ditu, eta Alemaniako bi ikastetxekin elkartrukeak egin ditu martxoan.
Plaiaundi Lanbide Heziketako Ikastetxe Integratuak egindako lana nazioartera zabaltzeko apustua indartu du aurtengo ikasturtean. Ikasleek nazioarteko esperientzia errealak bizitzeko lehenengo bi eTwinning proiektu martxan jarri ditu Alemaniako bi ikastetxekin, zehazki, Marburg-ko Kaufmännische Schulen der Universitätsstadt-ekin batera, enpresa-postaren trukerako eredua garatu dute; eta Berlineko OSZ Bürowirtschaft-ekin genero-identitateari buruzko hausnarketa landu dute.
“Esperientzia honek ikasleei aukera eman die ikasleei testuinguru batean lan egiteko, eta zeharkako konpetentziak garatzeko: talde-lana, komunikazioa ingelesez, kultura-kontzientzia eta autonomia”. Proeiktuaren baitan, martxoaren 16tik 18ra aipatutako ikastetxeetako ikasleak Plaiaundin izan ziren esperientziak partekatzeko. Martxoaren 22tik 28ra, Plaiaundiko Administrazio Kudeaketako ikasle talde bat Marburgen izan zen, ikaslanek emandako diru-laguntzari esker.
Plaiaundi LHIIk balorazio positiboa egin du, eta Maialen Lopez Plaiaundiko zuzendari exekutiboa: “Nazioarteko proiektu hauek funtsezkoak dira gure ikasleen prestakuntza aberasteko, mundu global batean beharrezkoak diren gaitasunak garatzeko eta Lanbide Heziketari balio erantsia emateko”.
