Urtebete pediatriako larrialdirik gabe Bidasoko ospitalean
Pediatriako larrialdi-zerbitzua berehala irekitzeko eta modu egonkor eta ekitatiboan bermatuko duen egiturazko plana eskatu dute berriro ere.
Iazko maiatzan milaka lagun kalera atera ziren.Imanol Saiz Gomez de Segura Urtebete ondoren, Bidasoa ESI-aren egoerak ez du irtenbiderik, eta familiek osasun zerbitzua berehala martxan jartzeko eskatu dute enegarrenez. Egoera horrek kezka handia sortu du familien artean, eta azken hamabi hilabeteotan milaka gaur larrialdiko osasun-arreta espezializatua jasotzeko aukerarik gabe daude. Egoera honek ia 20.000 adingabeko populazioari eragiten dio, eta familiak beste udalerri batzuetara joatera behartu dituztela salatu dute.
Pediatria larrialdiaren zerbitzuaren itxierak asistentziaren kalitatea murriztea ekarri du, eta osasun publikorako sarbidean lurraldeen arteko desberdintasunak areagotzen ditu. Gainera, langile espezializatuak ere behar dituztela salatu dute. “Ezin dugu onartu gure seme-alabentzako premiazko arreta beste zentro batzuen distantziaren edo saturazioaren araberakoa izatea”, adierazi dute. Premiazko arreta pediatrikoa modu egonkor eta ekitatiboan bermatuko duen egiturazko plana izatea ere eskatu dute, baita gardentasuna kudeaketan eta konponbide-epeetan.
“Urtebete geroago, erantzunaren zain jarraitzen dugu. Gure seme-alaben osasunak ezin du gehiago itxaron”, nabarmendu du Pediatria Larrialdia Bidasoa elkarteak. Hori dela eta, herritarrei dei egin diete arazoa ikustarazten jarraitzeko eta kalitatezko osasun-sistema publiko bat defendatzeko.
