EAJk Jaizubiko eta landa eremuetako zaborraren afera salatu du
Landa eremuetako zaborrontzietan jendeak uzten dituen hondakin handiak bizikidetzan eta ingurumenean eragin zuzena dutela uste dute jeltzaleek.
Hondarribiko EAJk, Jaizubiko eta landa eremuetako zabor edukiontziek pairatzen dituzten arazoak salatu dituzte. “Ohikoa da zaborra edukiontzietatik kanpo agertzea, baita tamaina handiko hondakinak modu desegokian uztea ere”, adierazi dute jeltzaleek. Bereziki, Jaizubiko elkarte pareko kasua nabarmendu dute.
EAJk uste du egoera hau ezin dela normalizatu, horrek “bizikidetzan eta ingurumenean eragin zuzena” du eta. “Testuinguru horretan, EAJ-PNVk gogorarazi du Abotsanitzek eta EH Bilduk osatzen duten udal gobernuak ordenantza berriak onartzeaz harro dabilela, baina azpimarratu du arauak onartzea bezain garrantzitsua dela horiek betearaztea. Ez du zentzurik ordenantza berriak onartzen jarraitzeak, dagoeneko indarrean daudenak behar bezala betearazten ez badira”.
Horrez gain, jeltzaleek uste dute herritarren erantzukizuna beharrezkoa dela, “hondakinak eta tamaina handiko tresnak modu desegokian uzteak arazoa areagotzen baitu”. Gogorarazi nahi izan dute espazio publikoaren zaintza guztion ardura dela azpimarratu dute.
