Larunbatean indarkeria matxistaren aurkako arreta zerbitzua jarriko dute
Gaur, hilak 27, Hondarribiko Gazte Olinpiaden parodia eguna dela eta, arreta zerbitzua martxan egongo da, 19:00etatik 06:00etara.
Jai giroko egunetan udalak indarkeria matxistaren aurkako arreta zerbitzua bermatuko du, eta horren kasua da gaurko eguna. Gaur, hilak 27, Hondarribiko Gazte Olinpiaden parodia eguna antolatuko dute herrian, eta hori dela, arreta zerbitzua 19:00etatik 06:00etara aktibatuko dute. Indarkeria matxista salatzeko ohiko telefonoa izango dute herritarrek, 688 71 87 97.
Gazte Olinpiaden parodia eguna inauterietarako aurreikusita zegoen, baina azkenean bertan behera utzi behar izan zuten, eta gaur antolatuko dute. Udalak herritar guztiei dei egin die “guztiontzat gozagarriak eta seguruak izango diren ekintzak eta ospakizunak sustatzera”. Bestalde, edozein erasoren aurrean laguntza jasotzeko edo abisua emateko arreta zerbitzura jotzeko deia egin die.
Horrez gain, edozein erasoren aurrean laguntza jasotzeko edo abisua emateko ondorengo telefonoak eskuragarri daude:
• SOS Deiak: 112
• SATEVI: 900 84 01 11
• Indarkeria Sexuala: 800 84 01 88
• Udaleko Gizarte Zerbitzuak: 943 11 12 91
• Udaltzaingoa: 943 11 13 13
