Txirrindularitza dela eta, trafiko aldaketak
Igande honetan, hilak 22, Txirrindularitzako Gipuzkoako Kimuen Lasterketa egingo dute Irunen, eta hori dela eta, zirkulazioan aldaketak egingo dituzte 09:00etatik 12:45era.
Igande honetan, hilak 22, Gipuzkoako Kimuen Txirrindularitza Lasterketa egingo dute Irunen. Hori dela eta, trafikoan aldaketak egongo dira 09:00etatik 12:45era hiriko hainbat lekutan. 09:00etatik aurrera, igandero bezala, Kolon pasealekua itxiko dute. 09:30etik aurrera, lasterketa dela eta, hainbat kale itxiko dituzte. Kolon pasealekua bi noranzkoetan itxiko dute, eta alboko kaleetan hainbat aldaketa egingo dituzte. Gipuzkoa hiribidea moztuta egongo da Kolon pasealekuko noranzkoan.
Trafikoa ez ezik, Irunbus zerbitzuak ere hainbat aldaketa izango ditu. San Juan plazako itzulbidea eta Txanaleta plazako geltoki luzea itxita egongo dira. Baita, Renfeko geltokiko sarbidea ere, geltokia Zubiaurre kalera lekualdatuko da, Kutxaren parean. San Juaneko aparkalekura sartzeko Prudencia Arbide kaletik sartu beharko dute auotek, Genaro Etxeandiako sarrera itxita egongo baita.
Lasterketaren amaiera 12:45erako aurreikusita dago; hortaz, txirrindularien eta oinezkoen segurtasuna bermatu ahala murrizketak kenduko dituzte. Hala ere, igandero egiten diren mozketak indarrean jarraituko dute. Bitartean saihesbidea erabiltzea gomendatzen da, udaltzaingoak eskerrak ematen dizkie aldez aurretik herritarrei.
