Super Amara BAT-eko hainbat atleta Espainiako Txapelketan ariko dira
Asteburu honetan, 20 urtez azpiko Espainiako Txapelketa eta 50 km-ko Espainiako Txapelketa izango dira, eta Super Amara BAT taldea bertan izango da.
Ana Carcamok 50 kilometroko Espainiako Txapelketan parte hartuko du.Super Amara BAT Atletismoak ez du etenik, eta asteburu honetan, hilak 21 eta 22, Espainiako bi Txapelketa izango dituzte taldeko hainbat atletak. Espainiako 20 urtez azpiko Txapelketan hamabi atleta izango dira lehian Sabadellen (Herrialde Katalanak). Igandean, berriz, Ana Carcamok 50 kilometroko Espainiako Txapelketan parte hartuko du, Malagan. Aurtengo Irun Kirol Galan errekonozimendu berezia jaso zuen, eta horrek +55 master mailako urrea lortzeko energia emango dio.
20 urtez azpikotan ibiliko direnak honako hauek izango dira: Noa Sevilla, 200 metrotan; Markel Garrancho, Seckou Sissoko eta Alaine Agerralde, 400 metrotan; Alai Cabello eta Izaskun Sanz, 800 metrotan; Isra Rahali, 1.500 metrotan; Jon Gajate, 60 metroko hesi lasterketan; Imanol Ibarbia eta Elsa de la Cruz, pertikan; Naia Llorente, altuera jauzian; eta Arielle Antoinette Ngole, pisu proban.
