San Martzialeko kalistenia eta haurrentzako jolasen parkea berrituko dituzte
San Martzial ermita ondoko parkean zenbait akats antzeman ondoren, espazioaren segurtasuna eta erabilgarritasuna hobetu bitartean parkea itxiko dute.
Udalak jakinarazi du San Martzial ermitaren ondoko kalistenia eta haurrentzako jolasen parkea hobetzeko eta egokitzeko lanak egingo dituzte datozen egunotan. Hiri-mantentzeko zerbitzuak egindako aldizkako ikuskapenean zenbait akats antzeman zituzten, eta segurtasuna eta erabilgarritasuna hobetzeko hainbait berrikuntza egingo dituzte.
Parkearen goialdeko kautxuzko zoladura hondatuta dago, eta hori berritzeaz gain, jolas-eremua modu integralean berrituko dute. Horretarako, ingurune naturalarekin hobeto integratzen laguntzen duten robinia-elementu berriak gehituko dituzte. Hala nola, goiko plataforman habia motako kulunka bat instalatuko dituzte eta beheko plataforman igotzeko gune berri bat sortuko dute.
San Martzial parkeko berritze-lanak Urbabil 2000 SM enpresari esleitu zaizkio, eta 28.967,64 euroko aurrekontua izango dute. Aurreikuspenen arabera, bi hilabeteko epean egingo dituzte lanak; horiek egin bitartean, haur-parkea itxita egongo da. “San Martzial mendia leku maitagarria da irundarrentzat, baina baita naturan bertan aisialdirako lekua ere. Herritarren erabilera ona eta erantzukizuna lagungarriak izango dira pertsona guztientzat”, adierazi du Gorka Alvarez Obra, Mantentze eta Azpiegitura ordezkariak.
