Belen Colomina psikologoak bullyinga izango du hizketagai, CBAn
HaurARTEanek antolatuta, eskola-jazarpenaren gaia landuko dute, jokaerak detektatzeko tresnak eta hizkuntza-ingurune seguruak nola sortu azalduko dute.
HaurARTEanek antolatuta, Belen Colomina psikologoak bullyinga edo eskola-jazarpena giza eta prebentziozko begiradetik landuko du. Hitzaldia datorren asteazkenera, hilak 18, atzeratu dute, nahiz eta, astearterako, hilak 17, iragarrita egon. Bi orduko saioa izango da 17:30etik 19:30era, CBAn. Interesa duten familiek udal webgunean izena eman beharko dute, eta 3 eta 8 urte bitarteko haurrei kontziliazio-zerbitzua eskainiko diete.
Belen Colominak 20 urtetik gorako esperientzia klinikoa du, eta urteotan laguntza emozionalaren eta garapen pertsonalaren aditu bilakatu da. Hitzaldian, bullying-egoerak garaiz detektatzeko tresna argiak eta laguntza-estrategiak eskainiko ditu. Aholku hauek biktimak indartzeaz gain, familiei orientatzeko eta hezkuntza-ingurune seguruagoak, enpatikoagoak eta ongizate emozionalarekin konprometituagoak sustatzen dute.
HaurARTEan programaren helburua haurren eskubideen eta haurren ikuspegitik lan egiteko eta hezteko tokiko komunitatea sortzea da. Hitzaldi zikloari amaiera emateko Julene Armendariz perinatal pedagogoak eta psikoterapeuta humanistak bi tailer eskainiko ditu.
Haurrei lagun egiteko gakoak: ez da moda kontua, erantzunak fisiologian daude tailerra irakatsiko die 0 eta 6 urte arteko haurrak dituzten familiei. Tailer honek bi helburu izango ditu. Batetik, familien osasun mentalean eragin positiboa izatea, eta bestetik, prebentzioaren oinarriak ezagutzera ematera. Tailerra bi saioetan egingo dute Palmera Monteron: apirilaren 20an, euskaraz, eta maiatzaren 6an, gaztelaniaz.
