120 mintzakidek euskarari klika eman diote
Astezken honetan, hilak 11, Factory gunean Mintzalgunen arteko lehenengo bilkura egin zuten, eta datorren asterako kopurua handitzea espero dute.
Mintzapraktika egitasmoa aurrera doa Irunen. Gero eta euskaraz aritu nahi duten herritar gehiago daude Irunen, eta horietako askok izena eman dute Mintzapraktika egitasmoan. Dagoeneko talde batzuk martxan daude, eta pasa den asteazkenean, hilak 11, Factory gunean lehenengo saioa antolatu zuten. Bertan, 120 mintzakide izan ziren, hainbat taldetan banatuta. Astero hamabost talde biltzen dira, eta datorren astetik aurrera beste hiru talde batuko dira egitasmora. Inoiz bildutako euskaldun gehiago batu dira, azken edizioan baino 90 lagun gehiago.
Mintzalgun taldeak sortzeko lehenengo urratsa herriko hainbat euskaltegi eta eragilerengana hurbiltzea izan zen. Bertan izandako harrera sekulakoa izan zela adierazi du Josu Iguiñizek, Euskara ordezkariak eta Mintzapraktikako dinamizatzaileak. Taupa Mugimenduak euskaraz aritzeko guneak atondu ditu, Klik euskarari lelopean. “Mintzakide asko hurbildu ziren, bakoitzak bere gaitasuna du, baina guztiak euskara ikasteko eta praktikatzeko gogoa dute. Egin dezagun klik euskarari!“.
Hurrengo egitekoa talde berriak sortzea eta abian jartzea izango da. Taldeak eratzeko, bakoitzaren ordutegia eta euskara maila kontuan edukiko dute. Horretarako, euskaraz aritu nahi duten herritarrei laguntzeko prest dauden euskaltzaleak behar dituzte.
