Bidasoa ESIak dituen gabeziak salatu dituzte erdiguneko anbulatorioan
50 lagun Bidasoako ESIak duen gabeziak salatzeko bildu ziren Irungo erdiguneko anbulatorioan, eta datozen egunotarako beste hainbat mobilizazio iragarri dituzte.
Otsailaren 26, Osasun Bidasoa plataformak Bidasoa ESIren momentu kaxkarra salatzeko prentsaurrekoa egin zuen, eta hainbat mobilizazio deitu zituen. “Bidasoako ESIa momentu txarrenean dago gaur egun”, adierazi zuten prentsaurrekoan. Hori dela eta, atzo, hilak 4, hamar minutuko elkarretaratzea egin zuten Irun erdiguneko anbulatorioan, eta 50 bat lagun bildu ziren.
Egun ospitaleko hainbat unitate ez daude erabilgarri, tartean, hilabeetan zehar askotan salatutako pediatria unitatea. Igandean, osasun mentalaren alde bildu ziren Hondarribian; eta datozen egunotan beste hainbat elkarretaratze egingo dituzte Dunboako eta Hondarribiko anbulatorioan, Irungo Osasun Mentalako zerbitzuan, eta Bidasoako ospitalean. Azken hitzordu hau martxoaren 28an egingo dute urgentzia pediatrikoen alde, 18:00etan.
