Udalak indarkeria matxistaren aurkako erakunde arteko protokoloa onetsi du
Otsaileko osoko udal bilkuran, 2021. urtean onetsitako aurreko bertsioa eguneratu du udalak, edukiak berritu eta koordinazioa indartuko dute.
Irungo Udalak indarkeria matxistaren aurkako protokoloa onetsi du ostaileko osoko udal bilkuran. Onespen honek hainbat berritasun dakar, hala nola, alderdi judiziala kontuan hartuko dute protokolean, eta justiziaren arloak ere garrantzia izango du protokoloan. 2021eko maiatzaren 28an onetsitako protokoloa berritu dute. Indarkeria matxistaren kasuen aurrean jarduteko tresna horren edukiak berritu dituzte, baita biktimentzako arretan eskumena duten administrazioen arteko koordinazioa indartu ere.
Honela, legegintzako aldaketetara dokumentuak eguneratu dituzte, prozedura eta baliabide berriak sartu dituzte protokoloan eta sare sendoa eta konprometitua bermatzeko erakunde gehiago sinatuko dute. Protokoloa eguneratzearen asmoa da indarkeria matxistaren biktimentzako arreta hobetzea, erantzukizun instituzionaletik eta etengabe hobetzeko konpromisoa hartzea.
“Protokolo hau eguneratzea argi eta garbi erakusten du hiri gisa dugun konpromisoa emakumeen aurkako indarkeria matxistaren aurrean”, adierazi du Cristina Laborda alkateak. Maite Cortinak, Berdintasuneko eta LGTBIQ+ Eskubideen arloko ordezkariak, zera gaineratu du: “Aditzera ematen dugu Irun justuagoa, seguruagoa eta berdinzaleagoa izan daitekeela sinesten dugula”.
