Aldundiko diru funtsetik, aurreikusitakoa baino 3 milioi gehiago Behe Bidasora
Gipuzkoako Foru Aldundiko Udalen Finantzaketarako Foru Funtsetik aurreikusiak zeudenak baino 3.088.111 euro gehiago iritsiko dira Irunera eta Hondarribira.
Albiste onak Irungo eta Hondarribiko udaletako diru kontuentzat. Gipuzkoako Foru Aldundiko Udalen Finantzaketarako Foru Funtsetik aurreikusiak zeudenak baino 3.088.111 euro gehiago iritsiko dira Irunera eta Hondarribira. Aldundiko ogasunak itxi berri ditu 2025eko kontuak eta horien likidazioa egin du. 2025ean uste baino diru gehiago bildu duelako, etekin horren zati bat udalek ere jasoko dute foru funtsaren bitartez. Udalen finantzaziorako iturri nagusienetakoa da funts hori.
Herrietan bizi diren biztanleen araberako diru banaketa egiten du aldundiak foru funtsaren bidez. Beheko zerrendan, aldunditik 2026an Irunek eta Hondarribiak jasoko duten diru kopurua, eta parentesi artean hasierako aurrekontutik izan den gehikuntza. Aldundiko funtsetik datorren dirua udalen aurrekontu osoaren %40-%60 ingurukoa izaten da, herriaren arabera.
- Irun: 58.851.438 (+2.439.074). Irungo Udalaren 2026rako aurrekontu osoa: 105.000.000 euro.
- Hondarribia: 15.660.271 (+649.037). Hondarribiko Udalaren 2026rako aurrekontu osoa: 34.998.615.
