Hondarribiko Traineru Jaitsiera egingo dute larunbatean
33 traineru izango dira aurre denboraldiko estropadan. Hondartza parean egingo da proba.
Itsasora itzuli dira Hondarribia Arraun Elkarteko traineruak. Larunbat honetan Hondarribiko XXVI. Traineru Jaitsiera egingo dute, 16:00etatik aurrera, Hondarribiko Arraun Elkartearen ekimenez. Hondarribiko hondartzaren parean egingo da, lehen Kontxako banderarako sailkapen estropadak egiten ziren leku berean.
“Udan ospatzen den Hondarribiko bandera abiatzen den toki beretik irtengo da, baina kasu honetan estropada bi luzetara egingo da. Estropadaren formatu horri esker, luzera bakoitzak ibilbide bikoitza izango du, eta traineruak itsaso zabalera aterako dira”, azaldu du Hondarribiko Arraun Elkarteak ohar bidez.
“Emakumezkoek eta beteranoek distantzia laburragoa izango dute, eta egin beharko duten ibilbidea heren bat murriztuko da gutxi gorabehera, alderatuta gizonen distantzia ofizialarekin”.
Orotara 33 traineruk hartuko dute parte. Hona hemen zerrenda.
BETERANOAK:
- Endaika B
- Trintxerpe Illunbe B
- Zumaia B
- Endaika A
- Badok 13 Orio B
- Ur-Joko
- Trintxerpe Illunbe A
- Mundaka
- Zumaia A
- Fortuna
- Badok 13 Orio A
EMAKUMEZKOAK:
- Isuntza
- Zarautz
- Donostiarra
- Hibaika
- Zumaia
- Tolosaldea
- Arraun Lagunak
- Hondarribia
GIZONEZKOAK:
- Mutriku
- Ondarroa B
- Donostiarra B
- Hibaika
- Orio B
- Hondarribia B
- San Pedro
- Zuaia
- Zarautz
- Ondarroa A
- San Juan
- Isuntza
- Getaria
- Bermeo
- Donostiarra A
- Hondarribia A
Oarsoaldeko eta Bidasoko hainbat ordezkari izango dira bertan. Zehazki, Oarsoaldetik Hibaika, San Pedro, San Juan eta Trintxerpe Illunbe arraun elkarteak egongo dira, eta Bidasoatik, Hondarribia Arraun Elkartea.
