Bidasoako Maratoi Erdia dela eta, trafiko aldaketak igandean
Mozketak 09:45eatik 11:30eara egingo dira. Udaltzaingoak adierazi du gomendagarria dela egin beharreko mugimenduak lehenagotik planteatzea.
Igandean egingo da Bidasoako Maratoi Erdia Irun eta Hondarribia artean. Ohikoa den bezala, lasterketarako herriko kaleak moztu beharko dituzte, eta beraz, trafiko aldaketak izango dira. Lasterketa pasatzen den kaleetatik ez ezik, ingurukoetan ere kale mozketak egingo ditu Udaltzaingoak.
Kale mozketez gain, aparkaleku batzuk kenduko dira. Zuloga kalean ezingo da autoa utzi, eta Foru kalean, hondartzarako norabidean, ezta ere. Mozketak 09:45eatik 11:30eara egingo dira.
Lur Gorritik, azken autobusa 09:20ean aterako da. 11:30eak arte ezingo dira Foru, Itsasargi, Bernat Etxepare eta Sabin Arana kaleetako geralekuak erabili. Behin-behineko geralekuak Santa Engrazian eta Arrokan kokatuko dira. Horrez gain, E21 linea Santa Engrazian hartuko da, eta E25 eta E27ak Arroka inguruan.
“09:45etik aurrera: aireporturako sarrera-trafikoa eta Portu Auzoa, Alde Zaharra eta Puntalarako sarbideak aldatuko dira. Hiriko irteera Kosta bidetik egingo da, autobusak izan ezik”, azaldu du udalak ohar bidez.
Horrez gain, auzoz auzoko argibideak eman ditu udalak:
-
Mendelu: trafikoa erabat etengo da 09:45ean; 10:15ean irekiko da, autobusentzat soilik Irungo noranzkoan.
-
Amute eta Kosta: sarrera eta irteerak Kostatik bideratuko dira; irteera-trafikoa guztia Kosta bidetik egingo da, autobusak izan ezik.
-
Aireportua: terminalerako sarrera eta irteera Santa Engraziatik egingo da.
-
Puntala: 10:30ean irteera-mozketa egingo da; ondoren, Zumardiarantz noranzko bakarreko pasabidea ezarriko da.
-
Portua: sarrera itxita egongo da Foru biribilgunetik 10:10ean; irteera Matxin Arzu – Itsasargi – Foru ibilbidetik egingo da.
-
Hondartza ingurua: zirkulazio-noranzko bakarreko zirkuitua ezarriko da, eta aparkalekuaren barruan ere noranzko bakarreko zirkulazioa izango da.
-
Akartegi: hiritik irteera Baserritar Etorbidetik (Abarka) edo Iturri Berritik egingo da.
-
Alde Zaharra: irteera Harresilanda-Solbes bidetik egingo da; 09:45etik 11:20ra sarbidea itxita egongo da.
