Udalak Antonio Mateo Real artistaren 'Olaberriako harrobia' obra jaso du dohaintzan
Egilearen alabek 1978ko mihise gaineko olio-pintura entregatu diote Cristina Laborda alkateari, eta obra honekin udal pintura bilduma osatuko dute.
Antonio Mateo Real artistak eta Irungo herriak oso harreman estua dute. Madrilen ikasi zuen arren, irundarra dela esan daiteke. 21 urterekin Porcelanas Bidasoan dekoratzaile artistiko lanetan aritzea etorri zen, eta hainbat sari jaso zituen pintura sariketetan. Erakusketa ugari egin ditu Espainian barrena, baita Irunen ere. Gaur une berezia izan dute bere alabek Irungo udaletxean, Marina eta Clara Mateo Guelbenzuk Olaberriako harrobia obra dohaintzan eman diote Cristina Laborda alkateari.
Obra 1978koa da. Mihise gaineko olio-pintura obra da, eta bertan udazkeneko paisaia naturala ikus daiteke. Bere koadroetan marrazkingintzarekin duen trebetasuna eta paisaiak hartzeko duen gaitasuna oso presente izan dira betidanik. Olaberriako harrobia udal pintura bildumaren parte izango da, eta herriarekin lotura zuzena du (Bidasoko herrien obra ugari ditu). Iazko urrian eta azaroan, Antonio Mateo Real artistaren erakusketa antolatu zuten Amaia KZn, errealismoaren eta inpresionismoaren arteko eboluzioa azaldu zuen.
Profesionalki, portzelanazko dekoratzaile artistikoa izan zen. Bere marrazkiak pitxerretan eta plateretan islatu ditu. 2012an hil bazen ere, bere obrek oihartzun handia izaten jarraitzen dute. Olaberriako harrobia udal pintura bildumean urte luzez gordeko dute.
