Gaur eta bihar abisu horia haize ufada bortitzengatik
Euskalmetek haize ufada bortitzengatik abisu horia iragarri du, gaurko 10:00tatik biharko, hilaren 6a, 12.00tara arte indarrean egongo da.
Euskalmetek jakinarazi du gaur eta bihar, hilaren 6a, haize ufada bortitzengatik abisu horia iragarri duela. Abisu horia gaurtik biharko 12:00ak arte indarrean egongo da. Honen aurrean, udalak babes zibileko taldea aktibatu du, eta herritarrei arreta izan dezaten eskatu die. Abisu horiaren bilakaera adi jarraituko dute babes zibileko langileek. Eraikuntza-obretan, zuhaitz eremutan eta terrazetan arreta berezia jarriko dute, besteak beste.
Egoera honen aurrean SMS bidezko alerta-sistema jasotzeko zerbitzuan parte hartzeko dei egin die. Zerbitzua doakoa da, eta muturreko eguraldiagatik edo beste arrazoiren batengatik larrialdiren bat dagoenean SMS abisuak automatikoki igorriko dira. Alerta sisteman izena emateko aukera izango dute esteka honen bitartez.
