Familientzako joskintza tailerra antolatuko dute Martindozenea gaztelekuan
'Familia eta lagun' programaren beste saio bat egingo du GazteARTEanek, eta josteko makinak erraztasunez eta segurtasunez erabiltzen ikasiko dute.
GazteARTEanek Familia eta lagun programaren beste saio bat antolatuko du urtarrilaren 31rako, larunbatarekin. Oraingo honetan familiek joskintza tailerra izango dute Martindozenea gaztelekuan, alegia, josteko makina erraztasunez eta segurtasunez erabiltzen ikasiko dute bizkar-zorro bat josteko. Sonia Ruiperez irundarrak zuzenduko du, eta jarduera doakoa den arren, izena ematea ezinbestekoa izango da urtarrilaren 28ra arte. Parte-hartzaileentzako gomendatutako gutxieneko adina 6 urtekoa da.
Familia eta lagun programa 4 eta 11 urte bitarteko haurrentzat eta haien familientzat pentsatuta dago, eta jarduera sortzaileak, dibertigarriak eta hezigarriak egingo dituzte. Aisialdiaz familian gozatzeko gunea antolatuko dute, eta hilero jarduera bat egingo dute ekainera arte.
