36 kamera instalatuko dituzte segurtasuna indartzeko Irungo kaleetan
Guztira 226 kamera egongo dira Irunen, eta kamera berri horiek 18 kokalekutan instalatuko dituzte urte amaierarako.
Udalak kaleen segurtasuna indartzeko asmoz, 36 kamera berri instalatuko dituzte Irungo kaleetan. Guztira 226 kamera egongo dira, eta instalatuko dituzten kamerak hemezortzi kokalekutan egongo dira. Egun, bideozaintzarik ez duten eremuetan instalatuko direla argitu du Iñigo Berges Herritarren Segurtasuneko eta Bizikidetzako ordezkariak. Horrela, trafikoa zaindu eta kontrolatzeko sistemetan antzeman diren gabeziei erantzungo diete. Kamera berriak urte amaierarako prest egotea adierazi dute prentsaurrekoan.
Lehen kamerak 2000. urtean instalatu zituzten Irunen, eta 2016tik aurrera, “Irungo segurtasun-sistemak indartu eta modernizatzeko politika aktiboaren erakusgarri” izateko apustua egin dute. Kamera guztietatik 106 eraikinetan instalatuta daude, eta 84 bide publikoan.
