Atsegiña Elkarteak kaldederoen desfilea egingo du otsailaren 7an
Desfilea 19:00etan izango da Alberto Anguera plazatik hasita, eta Irungo Atsegiña Elkartea prestaketaren azken lanak egiten ari dira.
Kaldereroen desfilea neguko hitzordu garrantzitsuenetako bat bihurtu da, urteekin geroz eta hiritar gehiagok parte hartzen dute. Irungo Atsegiña Elkarteak ez du betiko esentzia galdu nahi izan, eta urtetik urtera sendotzeko eta hobetzeko lana egin du elkarteak. Aurtengo desfilea otsailaren 7an egingo dute Alberto Anguera plazatik, San Juan plazaraino. Kaldederoen konpartsak tokiko folklorearen biziraupenean duen konpromisoa berretsi du.
Kaleak zartagin hotsez alaituko dituzte eta parte hartzaileek antzinako artisauek sortutako jai-giroa berrituko dute. Desfilea ekitaldi irekia den arren, entseguetara joateko deia egin du elkarteak. Otsailaren 3an eta 5ean izango dira elkartearen egoitzan, 19:30ean. Abestiak ikasteaz gain, eta gaineratu dute aukera bikaina dela tradizio honen historia hobeto ezagutzeko eta desfilea sakonago bizitzeko.
Desfilea ez ezik, afaria ere egingo dute egun horretan bertan. Atsegiña Elkarteak ohiko afari tradizionala antolatuko du. Menua: salda, entsalada, oilasko patatekin, postrea, kafea, ardoa, sagardoa eta ura izango da. Menuaren prezioa 16 eurokoa izango da, eta izena emateko epea otsailaren 4ra arte izango da. Izena emateko astearteetan egoitzan, 19:00etatik 20:00etara, posta elektroniko bitartez (sociedad@irungoatsegina.org) edo 656 70 68 84 telefono zenbakira deituz.
