Lau urrezko domin eskuratu ditu Super Amara BAT taldeak Gipuzkoako Txapelketan
Iker Piñeirak garaipen handia lortu zuen larunbatean, 18 urtez azpiko 200 metroko lasterketan Gipuzkoako errekorra lortu zuen.
Elsa de la Cruz pertika jauzian lehen postua eskuratu zuen.Super Amara BAT Super Amara BAT taldeak lehiaketaz beteriko asteburua izan du. Larunbatean, Donostiako belodromoan Gipuzkoako Txapelketan parte hartu zuten taldekide askok, hain zuzen, taldekide gehien bildu zuen taldea izan zen. Bertan, lau urrezko domin lortu zituen talde bidasotarrak. Emakumezkoetan, Naia Llorente altuera-jauzian eta Elsa de la Cruz pertika-jauzian; eta gizonezkoetan, berriz, Aritz Zuazo altuera-jauzian eta Seckou Sissoko 400 metrotan txapeldunak izan ziren. Bestalde, nahiz eta urrezko domina ez lortu, Iker Piñeirak 18 urtez azpikoetan Gipuzkoako marka lortu zuen 200 metroko lasterketan.
Bestalde, atzo Juan Mugertza Nazioarteko Krossean ere presentzia izan zuen Super Amara BAT taldeak. Elgoibarren bildu ziren hamarnaka taldekide eta ohorezko postuak lortu ez zituzten arren, balorazio positiboa egin du taldeak.
Hurrengo asteburuan ere bi hitzordu nagusi izango ditu taldeak. Espainiako Kross Txapelketa izango dute Kordoban (Espainia) eta Euskadiko Txapelketa Donostiako belodromoko pista estalian.
