Gune turistikoetatik haratagoko udal egutegia aurkeztu dute
Irundarrek bakarrik ezagutzen dituzten txokoak irudikatu nahi izan dituzte, eta egutegiarekin batera postalak banatuko dituzte.
Gaur goizean 2026ko udal egutegia aurkeztu dute.Irungo Udala Urteroko legez, udalak 2026ko udal egutegia aurkeztu du, eta aurtengo berritasuna argazkien kokapenak izango dira. Egutegi honen asmo argia izan da: gune turistikoetatik haratago irundarrek maite dituzten txokoak ere badaudela erakustea. Horrela, herritarrak enbaxadore bihurtu dituzte.
“Egutegi honek egingo duena da gure hiriaz are eta harroago senti gaitezela. Irungo txoko eta estanpa batzuk batzuetan oso oharkabean pasatzen dira. Eta hori da Irun, hiriaren esentzia islatzen duten leku liluragarriak”, adierazi du alkateak, gaur goizean egindako aurkezpenean.
Irungo Argazki Elkarteak urteak darama udalarekin elkarlanean egutegia osatzen. Aurten 250 argazki inguru bildu dituzte, eta horietatik hamahiru aukeratu dituzte egutegirako, alegia, azalerako argazki bat eta hilabete bakoitzeko bat.
Banaketa datorren asteko asteartean hasiko dute, hilaren 16tik aurrera, hain zuzen. 8:30ean hasiko da banaketa San Martzial kaleko HAZ bulegoan. 11.000 ale argitaratuko dira, eta egutegiarekin batera, berritasun gisa, postalak banatuko dituzte.
2026ko udal egutegiko protagonistak honako hauek izan dira, hilabetez hilabete:
• Azala: Ana Juarros López
• Urtarrila: María Esther Mutuberria Daguer
• Otsaila: Rafael Díaz
• Martxoa: Laura Pérez Jiménez
• Apirila: Santi Aguirre Erauso
• Maiatza: Karina Aguirre Altuna
• Ekaina: Junkal Susperregui Gamboa
• Uztaila: Custodio Martín Domínguez
• Abuztua: Gerardo García
• Iraila: Ricardo Narganes Martínez
• Urria: María de las Nieves Cabrita Duarte
• Azaroa: Yolanda Domínguez García
• Abendua: Nora Loidi Yarza
