Hondarribiko Emakumeak eta Zumardikoak elkarteek jarriko dute txosna San Tomas egunean
Zozketa bidez egin da esleipena. 11:00etan irekiko dituzte txosnak, eta 00:00ak arte izango dira bertan.
Iazko argazki bat, Etxara elkartearen txosnarena. San Tomas egunean Portua auzoan txosnak jartzeko zozketa egin dute gaur, eta ondorioz, Hondarribiko Emakumeak eta Zumardikoak elkarteek izango dute txosna jartzeko aukera. Aurreko urteetan egin den moduan, herriko elkarteek San Tomas egunean, goizetik gauera arte txosna jartzeko aukera izango dute, edariak eta janaria salduz.
Bost eragilek eman dute izena: Etxara Palestinaren aldeko elkartea, Mugiri Kultur Elkartea (Olinpiadak) eta Fenomena elkartea (Fenomena jaialdia) izan dira kanpoan geratutakoak, eta Hondarribiko Emakumeak eta Zumardikoak, zozketaren garaileak.
Txosnak 11:00etan irekiko dira, eta egunean zehar bertan izango dira, 00:00ak arte. 23:00etan itzali beharko dute megafonia.
