1.300 parte hartzailek herriko kaleak beteko dituzte Gabonetako Krosan
Aurtengo Gabonetako Krosa inoiz baino jendetsuagoa izango da, eta aste baten faltan aurreikuspenak bete dituzte.
2025eko Gabonetako Krosaren aurkezpena..Super Amara BAT Ohitura bilakatu da Gabonetako Krosan parte hartzea. Halaxe uste dute mila parte hartzaile inguruk, aurreikusitakoa bete egin baitute. Datorren abenduaren 20an Irungo kaleetan sekulako giroa izango da, festa bat izango da. Ibon Muñoz Super Amara BAT taldeko gerenteak esker oneko hitzak besterik ez ditu. “Dagoeneko 920 parte hartzailek izena eman dute, eta 80 dortsal besterik ez daude salgai aste bateren faltan”, gaineratu du.
Bost kilometroko ibilbidea osatu beharko dute, ibilbidea laua izango da. Irteera Kolon pasealekuan izango da, eta azken metroak, berriz, Luis Mariano plazan egingo dituzte lasterkariek. Dortsalen banaketa bezperan, hilaren 19an, Palmera Monteron 18:00etatik 21:00etara; eta, lasterketa egunean, aldiz, 10:00tatik 13:00etara.
Txikiek ere lekua izango dute. Hamargarren urtez jarraian, 400 ume bilduko dira Luis Mariano plaza eta Kolon Pasealekuaren inguruetan. Adin tarte araberako probak izango dira, 15:30tatik aurrera. Haurrentzako beroketa saioak prestatu dituzte BATko begiraleek.
Retina Gipuzkoa Begisare izango da aurtengo omendua, eta lortutako diruaren zati bat erakunde horretara bideratuko dute. Irabazi asmorik gabeko elkarte honek ikusmen arazoak dituzten pertsonak tratatzen ditu, baita laguntza eskaini ere.
