Marlaxka Xake Klubaren web orriak 950.000 bisita jaso ditu
2011. urtetik dago abian webgunea, eta klubaren eta tokiko xakearen informazioa eskaintzen dio erabiltzaileari.
Marlaxkako kide batzuk, artxibo irudi batean. Poztasunez iragarri du Marlaxka Xake Klubak haien web gunea 950.000 bisitetara ailegatu dela. Klubaren ustez, “mugarri garrantzitsua” izan da haien ibilbidean. “Gure webguneak 950.000 bisita baino gehiago izan ditu dagoeneko, eta gure jarduerari, txapelketei eta gure jokalariek parte hartzen duten ekitaldiei buruzko informazio erreferente gisa sendotu da”, adierazi du klubak, ohar bidez.
Webgunea 2011. urtean ireki zuten, eta hasieratik haren xedea klubaren eta tokiko xakearen inguruko informazio gardena, hurbila eta eguneratua eskaintzea. “Gaur, pozik baiezta dezakegu etengabeko ahalegin horrek erantzun handia jaso duela komunitatearen aldetik. Datu horiek xakearekiko gero eta interes handiagoa islatzen dute, baita bi hizkuntzetan eskuragarri dauden edukiak izatearen balioa ere. Guretzat, kopuru hori lortzea eguneroko zabalkunde-lana eta gure jarduerak jarraitzen dituztenen parte-hartze aktiboa aintzatestea da”. Xake klubaren kideak, milioiari begira jarri dira.
