Udal eraikinen seinaletika, kognitiboa eta irisgarritasuna hobetuko dute
NaviLens sistema adinekoen espazioetan sartzeaz gain, kultura, gizarte edo kirol espazioetan ere sartuko dute.
Oiasso Museoan jarritako kolore-kodeak.Irungo Udala NaviLens izeneko erraz eskaneatzeko moduko kolore-kodeak ezarriko ditu herriko hainbat udal eraikinetan, eskatutako informazioa lortzeko. Seinaletika kognitiboa eta irisgarria adinekoen espazioetan abian jarriko du, baita kultura, gizarte edo kirol espazio askotan ere. Informazioa entzumenaren bidez edo idatziz jasotzeko aukera izango dute erabiltzaileek 33 hizkuntzatan.
Desgaitasuna duten Pertsonen Nazioarteko Egunarekin bat eginez, Udalak irisgarritasunaren aldeko urratsak egiten jarraitzen du. NaviLens aplikazioak aukera ematen du argibideak edo azalpenak jasotzeko, osagarri berritzaile eta modernoa da. Kodeak oso baliagarriak izango dira itsuentzat eta ikusmen baxuko pertsonentzat eta dibertsitate kognitiboa edota entzumenezkoa dutenentzat.
Oiasso Museoan eta Amaia KZn gidatze sistema bat ezarriko dute. Erabiltzailea une oro non dagoen identifikatzen lagunduko du, eta autonomia eta segurtasuna izango du helmugara iristeko. Espazio ezezagunak ezagun bihurtzeko ezinbestekoa izango da.
