Anakako etxeak berrurbanizatzeko lanen 2. fasea onartu du udalak
Lekuona misiolariaren kalearen ingurua eta Fabiola erreginaren kalera doazen bideak lantzeko proiektuak 10 hilabeteko epea izango du.
Junkal auzoko berrurbanizazio lanen aurkezpena.Irungo Udala Udalak Anaka auzoko osotasuna hobetzeko berrurbanizatzeko lanen bigarren fasea onartu du. Lan horiek Lekuona misiolariaren kalearen eta Fabiola erreginaren kalera doazen bideetan izango dira lanak. Berriurbanizazio prozesuak oinezkoen mugikortasunerako espazioa handitzea ekarriko du, aparkatzeko tokirik galdu gabe. Hau da, oinezko eta ibilgailuentzako espazio bateratua eraikiko dituzte.
Lanen kontratuaren adjudikazioa Otegui-Gaztañaga enpresari esleitu zaizkio, 1.642.267, 54 euroan. Lanek hamar hilabeteko epea izango dute. Alkatearen iritziz, auzoko kaleak askoz espazio atseginagoa dira orain, baita irisgarriagoa ere. Hori dela eta, kale guztietan aparkalekuak mantentzea erabaki dute.
Bestalde, auzoko azpiegiturak ere eraldaketa izango du. Saneamendu sare berri bat eraikiko dute, baita energia elektrikoaren eta telefoniaren azpiegiturak ere. Udalak konpromisoa du Anaka berritzearekin 2020an onetsi zen bezala, eta eremu osoaren itxura orokorra hobetu nahi dute.
Junkaleko etxeen barruko plaza berritzeko obren sustapena
Gobernu-batzarrak Junkaleko etxeen barruko plaza berritzeko proiektu teknikoa onartu du. Gipuzkoa eta Elizatxo hiribideen arteko espazio publikoa hobetuko dute, eta zoladurak birgaitu. Azken berritasunak egin zituztenetik 20 urte igaro dira, eta elementu urbanoak aski narriatuta daude.
Bizilagunek hala eskatuta parkean hauteman diren gabezia guztiei ematea da helburua. “Erreforma honek aukera emango digu erabilera handiko espazio bat eguneratzeko”, adierazi du alkateak. Lan hauen bitartez, jolastokia handituko da, parke izaera handiagoa izan dezan. Hiri-altzariak eguneratuko dira eta oinezkoentzako ibilbideak hobetuko dira.
