Irunvi: 25 urte ostatua ematen
Irunvik 25. urteurrena ospatu du, eta urteotan 1038 etxebizitza eta 594 aparkaleku esleitu ditu.
25. urteurreneko ekitaldia.Irungo Udala 2000ko azaroaren 28an Irungo Etxebizitzarako Elkarte Publikoa (IRUNVI) sortu zen. Urteotan, hirigintzako proiektu ugari sustatu ditu, batez ere, etxebizitza publikoa sustatzeko. Hasieratik, babes publikoko etxebizitza eskatzaileen erregistro propioa du. Guztira, 1038 etxebizitza eta 594 aparkaleku esleitu ditu Irungo herritarren artean.
Zilarrezko ezteien ospakizunean, Cristina Laborda alkatea, Jon Ugarte Diziplina Urbanistikoko eta Etxebizitzako ordezkaria, eta Idoia Yarza IRUNVIko zuzendaria izan dira. “Hogeita bost urte hauetan, Irungo mila familiaren baino gehiagoren bizitza hobetu dugu, baina ezin gara hor geratu”, adierazi du Labordak.
Datozen hiru urteetan, San Migel-Anakan, Mendipen eta Txenperenean etxebizitza publikoak eraikiko dituzte. Guztira 1000 etxebizitza publiko eraikiko dituzte, eta honela, beste 1000 familiek ere onurak jasoko dituzte.
2003tik arreta emateko zerbitzu bat du, baina azken 18 urteetako erregistroak baino ez dute eskura. Urteotan, 80.000 pertsona artatu dituzte, eta egun, euren kontsultak jasotzeko Eliza kalean bulegoa dute, eta astelehenetik ostiralera dago irekita.
