Hondarribia Wikipedian presenteago egoteko, tailerra liburutegian
Abenduaren 11 eta 18ko arratsaldetan egingo dute tailerra, Zuloaga Etxea liburutegian, 18:00etatik 20:00etara.
Euskarazko Wikipedian, Hondarribiaren ataria.Wikipedia Wikipediako edukietan toki nahikorik al du Hondarribiak? Horren erantzuna ezezkoa bada, gaiari soluzioa emateko aukera izango da herrian. Izan ere Zuloaga Etxea liburutegiak bi eguneko Wikipedia tailerra antolatu du abenduaren 11rako eta 18rako: bi egunetan 18:00etatik 20:00etara bilduko dira herriko wikizaleak.
Talaios kooperatibako kideek emango dute tailerra. Lehen egunean Interneteko entziklopedia antzeko den horretara hurbiltzeko informazioa jasoko dute partaideek, eta bigarrenean Wikipediako ekosistema ezagutzeko irizpideak emango dituzte. Hizketaldi eta informazio jasotzeen artean, plataforma horretara Hondarribiaren gaineko edukiak igotzeko aukera izanen dute tailerrarekin bat egin dutenek.
