Aduana Zaharraren eraikin historikoa zaharberritzen hasi dira
Via Iruneko Hiri Barruti Berritzailea sortzeko estrategiaren erdigune bihurtu eta iHub inklusibo eta adimendu bat osatu nahi dute.
Lanen aurrerapenak bertatik bertara ikusten. Irungo Udala Aduana Zaharra eraikin historikoaren birgaitze-lanak hasi dituzte, eta lehen mailako ekipamendu publikoa bihurtuko dute. Eraikina Via Iruneko hiri-barruti adimendua osatzeko estrategiaren muina izango da. Prestakuntzara, ekintzailetzara eta enpresara bideratuta daude lanak, trenbide-zabaltzan berreskuratutako lurretan hiri-barruti bat sortuko dute. 1993. urtetik abandonatuta dago eraikina, eta gaur egun egoera kaskarrean dago.
2024ko bigarren erdian eremua garbitzeko eta hondakinak erretiratzeko lanak hasi zituzten. 2023an tokiko gobernu batzordeak Estatuaren administrazio orokorrari erostea onetsi zuen Aduana Zaharraren erakina, 1.666.416, 76 euroan. Lan horien bidez etorkizunean eman nahi zaion erabilerarako iHub inklusibo eta adimendu bat osatu nahi dute.
Cristina Laborda alkateak adierazi duenez, hiria berroneratzeko proiektua anbiziotsuena da. Honekin, herritarrek orain arte erabili ezin izan duten eremua berreskuratu eta gozatzeko aukera izango dute.
Eraikin nagusiko egiturak, estalkiak eta fatxadak birgaituko dituzte. Aldez aurretik, forjatuak, instalazioak eta zurezko elementuak eraitsi, eta ondoren, egiturazko hormak finkatuko dira. Obra hauek guztiak egikaritzeko epea 12 hilabetekoa izango da.
