Hotzagatik, Eba Etxea zerbitzua martxan jarri du Irungo Udalak
Zerbitzuaren barruan Zubia etxeko gaueko aterpea zabalduko dute. Gauean 8 gradutik behera egiten duenetan aktibatzen dute hotzaren protokoloa.
Zubia zentroko logeletako bat.Irungo Udala Irungo Udaleko Gizarte Ongizateko Arloak jakinarazi du martxan jarri duela hotzaren kontrako protokoloa, Eba Etxea izenekoa. Gaurtik eta zenbait egunetarako tenperaturen beherakada iragarri dute meteorologia zerbitzuek, eta horregatik zabalduko dute Zubia zentroko gunea. 21:00etatik 07:00etara tenperatura 8 gradu edo beheragokoa denean aktibatzen dute Irunen Eba Etxea: etxebizitzarik ez duten, Irunen bizi diren eta gaua emateko leku bat behar duten pertsonek, eta egoera bereziki zaurgarrian dauden pertsonak artatzen dituzten beran ohea, higienerako baliabideak, eta mantenua (afari eta gosaria) emanez.
Zerbitzua baliatzeko beharra dutenek dutenek Irungo Udaleko Gizarte Zerbitzuen preskripizio teknikoa eduki behar dute; egoera bereziki zaurgarrian dauden pertsonak salbuetsiak daude ziurtagiri hori eskuratzetik. Zerbitzua behar duten pertsona guztiak Zubiako egoitzan kabituko ez balira, udalak zehaztu du ostatuetara bideratuko dituztela han tokirik ez dutenak.
Egunero, 18:00etan jakinaraziko dute zerbitzua martxan izango den. Hori hala bada, erabiltzaileak 21:00etatik 22:00etara sartu ahalko dira Zubiako egoitzara, eta hurrengo eguneko 09:00etan utzi beharko dute.
Gizarte Ongizateko ordezkari Josu Igiñizek nabarmendu du hainbat giza zerbitzu ematen dituela Zubia zentroak, tartean, hotzaren kontrako Eba Etxea zerbitzua. “Horri esker, etxebizitzarik ez duten pertsonek eta egoera bereziki zaurgarrian daudenek gauean arreta jasotzeko aukera dute hotzak jende guztia hartzen duenean; bereziki, pertsona horiek. Azken batean, Zubia zentroa gizarteratzean lanean jarraitzeko beste tresna bat da”.
