Lorezain azpikontratatuen greba bukatu da, hitzarmena sinatuta
Gaur (hilak 13, osteguna) enpresa berriarekin hitzarmen kolektiboa sinatu, eta Hondarribiko lorezaintzako bost langile azpikontratatuek bukatutzat eman dute 26 eguneraino luzatu den greba.
Lorezaintzako langileak. Gaur (hilak 13, osteguna) enpresa berriarekin hitzarmen kolektiboa sinatu, eta Hondarribiko lorezaintzako bost langile azpikontratatuek bukatutzat eman dute 26 eguneraino luzatu den greba. Hondarribiko Udalak UTE Hondarribia Lorazaintzari dio azpikontratatua zerbitzu hori, bertan bost langile horiek daudelarik (zortzi dira denera), ELA sindikatuak jakinarazi duenez. “ELAtik zorionak eman nahi dizkiegu langileei, indar kolektiboaren adibide bikaina eman dutelako, eta gogorarazi nahi dugu borrokatu gabe ez dela hobekuntzarik lortzen”.
Edonola ere, “garaipen berri honek” errealitate “garratz” bat duela aurrez aurre esan du sindikatuak: “Langileek berriz ere grebara joan behar izan dute 2023n aurreko enpresarekin bederatzi hilabeteko borroka gogorraren ostean lotutako lan baldintzak defendatzeko”. Izan ere, aurreko enpresarekin landutako akordioa kolokan izan zen udalak zerbitzu horretarako kontratu administratibo berri bati ekin ziolako enpresa berri batekin, egun indarrean dena UTE Hondarribia Lorezaintzarekin; “2025eko uztailean UTE Hondarribia Lorezaintzarekin kontratu berria indarrean sartu zenean, ordea, adierazitako baldintzak ez ziren aplikatu”.
Uztaileko horren ondoren enpresarekin eta udalarekin negoziazio fasea abiatu zen, “baina konpromiso sendorik ez zenez egon, zortzi langiletatik bostek grebara jotzea erabaki zuten urriaren 16an”. Borrokaldia, beraz, bukatutzat eman dute langileek.
