Eguzkiaren azpian igo dute Gaintxurizketa

Behobia-Donostia lasterketa ospatu dute gaur goizean, eta atzo egindako euriak gaur eguzkia ekarri die korrikalariei.

2025/11/09

Behobian hasi eta Donostian bukatu. 60. aldiz egin dute gaur Behobia-Donostia lasterketa. 28.000 pertsona inguruk parte hartu dute gaurkoan, eta haietatik, %4,71 Oarsoaldekoak eta Bidasokoak izan dira. Eguraldia lagun izan dute gaurkoan, goizean goiz Gaintxurizketan behe lainoa gailendu den arren. Askok kirol erronka moduan, eta beste askok erronka pertsonal moduan hartzen dute lasterketa, baina ia denek gozatu dute hori bera.

Lasterketako gain handiena da Gaintxurizketa, eta badira goraino arnas estuka iritsi direnak. Baina esfortzu orok badu bere saria, eta gora iristerakoan, maldan behera egin dute Errenteria aldera. Izan dira buru belarri aurrera zioazenak, baina baita ere zaleekin disfrutatzeko aukera izan dutenak. Nola ez, betiko zaleak, hala nola Lanbarreneko pirata eta haren lagunak, bertan izan dira.

Herriz herrikako sailkapena bihar argitaratuko du Oarso Bidasoko Hitzak, baina hona hemen gaurko argazki batzuk.

Behobia-Donostia, Gaintxurizketara igoera (2025-11-09)

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.