'Turismo hutsala' liburuaren aurkezpena, bihar
Zelanda Berrira egindako bidaiaren ondoren idatzi eta argitaratu du liburua Fito Rodriguezek. Udal liburutegiko gela anitzean izango da, 19:00etan.
Ostegun arratsaldean, hilaren 6an, Fito Rodriguez idazle bidaiariak Turismo hutsala liburuaren aurkezpena egingo du. Zelanda Berrira egindako bidaiaren ondoren idatzi eta argitaratu du liburua, eta haren inguruko zertzelada guztiak emateko prest izango da bihar. Udal liburutegiko gela anitzean izango da aurkezpena, 19:00etan.
Udal liburutegiak azaldu duenez, orain artean bederatzi liburu argitaratu ditu, eta guztiak bidai baten ondoren idatziak izan dira: “Faustoren itzala Finnlandiara egindako bidaian sortu zen, 2004an. Kasandra leihoan Islamabad-era egindako bidaiaren ondorio izan zen, 2006an. Palestinara eginiko bisitak ekarri zuen Jerusalen Xalimen hiria, 2008an. Norvegiara eginiko bidaiaren ostean idatzi zuen Mort aux roix narrazioa, 2005ean. Arabako txangoetatik sortu zen Izendegi hutsa, 2018an. Vietnameik itzuli ondoren argitaratu zuen Kuoi ipuina, 2021ean. Pirinioetan egindako ibiliek izan zuten oinarri Auña liburua, 2022an. Polloetik abiatutako ibilaldiek ekarri zuten Polloekoak eleberri beltza, 2023an. Eta orain, 2025ean, Zelanda Berritik dakar Turismo Hutsala”.
