Emakumeen eskifaia omendu du Olagarro elkarteak
Gizon eta emakumeen artean "hutsune bat" zegoela konturatu eta emakume arraunlariak omentzeko autua egin zuten duela zazpi urte.
Olagarro elkarteak Hondarribia Arraun Elkarteko aulki finkoko emakumeen eskifaiari omenaldia egin zien joan den larunbatean (azaroak 1). Kasino Zaharrean egin zuten hitzordua, eta bertan jaso zuten arraunlariek eguneko lehen sorpresa: Sustraitik Gozamenera Batukada zain zuten bertan.
Haien laguntzaz Kale Nagusitik Gipuzkoa plazaraino heldu ziren, eta hamaiketako txiki bat egin ondoren, Olagarro elkartean egin zuten azken geldialdia. Bertan jaso zuten eguneko bigarren sorpresa. Hondarribiko Menina artisau tailerraren eskutik opariak jaso zituzten, eta eguna borobiltzeko bazkari eder batez gozatu zuten.
Duela zazpi urte hasi ziren Olagarro elkarteko kideak traineruko emakumeei omenaldia egiten. Azaldu dutenez, aulki mugikorreko gaztetxoei omenaldia egiten hasi ziren, baina gizon eta emakumeen artean “hutsune bat” zegoela konturatu eta datorren urtean emakumeen traineruko eskifaiari omenaldi bat egitera “ausartu” ziren. Egindako autuaz “harro” agertu dira elkartekideak.
